🎄 Մեր մասին

Ծրագիրն առաջին անգամ իրականացվել է 2008 թվականի ամանորին՝ Սյունիքի մարզի Սիսիան քաղաքում և հարակից գյուղական համայնքներում: Այն հիմնականում ուղղված էր Սյունիքի մարզի սոցիալապես անապահով և ծնողազուրկ երեխաներին: Ծրագրի շրջանակներում Ձմեռ պապերի և Ձյունանուշների այցելությունների արդյունքում շուրջ 2,500 երեխա ստացել է ամանորյա նվեր: Նախաձեռնությանն աջակցել են բազմաթիվ անհատներ, այդ թվում՝ Գերմանիայի Դաշնային Հանրապետությունից բարեգործ Հանս Հաուգը, ԱՄՆ հայ համայնքի ներկայացուցիչներ, ուսանողներ, զինվորականներ և այլ բարեգործներ:

Հետագա գործունեությունն առավել արդյունավետ և կազմակերպված իրականացնելու նպատակով նախաձեռնության անդամները հիմնադրել են «Համաչափ զարգացում» համայնքային զարգացման հասարակական կազմակերպությունը: Կազմակերպությունը պետական գրանցում է ստացել 2009 թվականի օգոստոսի 27-ին՝ ՀՀ արդարադատության նախարարության իրավաբանական անձանց պետական գրանցման գործակալության կենտրոնական մարմնի կողմից (վկայական՝ 03Ա085978, ՀՎՀՀ՝ 08910023):

Ծրագրի 2009-2010 թվականների փուլն իրականացվել է Վայոց Ձորի մարզում: Մարզի բոլոր քաղաքներում տեղադրվել են փոստարկղեր, որոնց միջոցով երեխաները իրենց նամակներն են ուղարկել Ձմեռ պապին: Պատրաստվել է նաև Ձմեռ պապի ճամբար, որտեղ անցկացվել են մրցույթներ, ելույթներ և ցուցադրություններ: Այս փուլի արդյունքում շուրջ 3,000 եեխա Ձմեռ պապի կողմից ստացել է ամանորյա նվեր: Ծրագրի 2009-2010 թվականների փուլի գլխավոր հովանավորն էր «Օրանժ Արմենիա» ՓԲԸ-ն: Ծրագրին աջակցել են նաև «Կոկա-Կոլա Հելլենիկ Բոթլինգ Արմենիա» ՓԲԸ-ն, ՅՈՒՆԻՍԵՖ-ը, «Կասկադ» խմբի կազմակերպությունները և բազմաթիվ անհատ բարեգործներ:

Ծրագրի 2010-2011 թվականների փուլն իրականացվել է Վայոց Ձորի և Սյունիքի մարզերում: Ծրագրի շրջանակներում ավելի քան 7,000 սոցիալապես անապահով, ծնողազուրկ, հաշմանդամություն ունեցող և նամակագիր եեխա ստացել է ամանորյա նվեր: Կազմակերպվել են նաև այցելություններ տնային պայմաններում և խնամքի կենտրոննեում գտնվող եեխաներին, այդ թվում՝ Սյունիքի մարզի գրեթե բոլոր հաշմանդամություն ունեցող եեխաներին: Այս փուլի գլխավոր հովանավորն էր կրկին «Օրանժ Արմենիա» ընկերությունը:

Ծրագրի 2011-2020 թվականների փուլերն իրականացվել են կայքի միջոցով՝ Տավուշի, Վայոց Ձորի, Սյունիքի և Արցահի սահամանամերձ մի շարք գյուղերում: Այս փուլերի արդյունքում նվիրատվություն է իրականացվել շուրջ 9,000 եեխայի համար:

Կայքի միջոցով իրականացվող փուլն առանձնանում է հանրային մեծ ճանաչմամբ, համակրանքով և վստահությամբ: Դրա վկայությունն է այն, որ հազարավոր մարդիկ աշխարհի տարբեր երկրներից միացել են ծրագրին՝ որպես նվիրատուներ, և ամանորյա նվերներ են ուղարկել ամենահեռավորահեռ սահմանամերձ գյուղերում ապրող եեխաներին: Ծրագրի նկատմամբ համակրանքը պայմանավորված է նաև այն հանգամանքով, որ նվիրատվություն կատարելուց առաջ յուրաքանչյուր նվիրատու հնարավորություն ունի կարդալու երեխաների նամակները, ընտրելու իրեն հոգեհարազատ նամակագրիր եեխային և նվիրատվություն կատարելու կոնկրետ եեխայի, այլ ոչ թե անորոշ անձանց շրջանակի համար:

Ծրագրի 2023-2024 թվականների փուլն իրականացվել է Արցահի Հանրապետությունից բռնի տեղահանված եեխաների համար: Այս փուլում ծրագիրը նպատակ ուներ ամանորյա ջերմություն և հոգատարություն փոխանցել այն եերեխաներին, որոնք տեղահանման հետևանքով հայտնվել էին կյանքի դժվարին իրավիճակում:

Ծրագրի 2024-2025 թվականների փուլն իրականացվել է Լոռու մարզում՝ 2024 թվականին գարնանը Դեբեդ գետի վարարումից տուժած բնակավայրերի եերեխաների համար: Ծրագրի շրջանակներում աջակցություն է ցուցաբերվել բնական աղետից տուժած ընտանիքների երեխաներին՝ նպատակ ունենալով ամանորյա ուրախություն, հոգատարություն և համերաշխություն փոխանցել այն համայնքներին, որոնք բախվել էին սոցիալական և կենցաղային լուրջ դժվարությունների:

Ծրագրի 2025-2026 թվականների փուլն իրականացվել է Գեղարքունիք մարզի 5-15 տարեկան ծնողազուրկ երեխաների համար: Այս փուլում ծրագրի ուշադրության կենտրոնում են եղել հատկապես խոցելի խմբի երեխաները, որոնց համար ամանորյա նվերների տրամադրումը ոչ միայն աջակցություն էր, այլև հասարակության հոգատարության դրսևորում: